நாட்டுப்புறப்பாடல்-ஏர்

 ஓட்டுராங்கய்யா ஏரு ஓட்டுராங்கய்யா 

மேல கீழ மண்ணு புரள

மேற்கு தெச கொக்கு மெரள

ஓட்டுராங்கய்யா ஏரு ஓட்டுராங்கய்யா 

கைவுள்ள நெல்லுமணி காணாம போறதுக்கு 

காட்டு கத்து கத்தி கிட்டு காகாவ விரட்றதுக்கு 

ஓட்டுராங்கய்யா ஏரு ஓட்டுராங்கய்யா 

அத்த பொண்ணு மாமன் பொண்ணு

மொத்தம் சேந்து நாத்து நட

சுத்தி சுத்தி வந்து கிட்டு மூஞ்சப் பாத்து  சிரிச்சிக்கிட 

ஓட்டுராங்கய்யா ஏரு ஓட்டுராங்கய்யா 

அத்த வந்து களை புடுங்க 

அக்கா புருஷன் வரப்பு வெட்ட

ஓட்டுராங்கய்யா ஏரு ஓட்டுராங்கய்யா 

மாம வேர்வையில நெல்லு மொளைக்க 

மாம தம்பி பொண்ணு சடங்கு கேக்க

ஓட்டுராங்கய்யா ஏரு ஓட்டுராங்கய்யா.


கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

தமிழ்த்தேன்

 தேன் சுவை தித்திக்க உன் குறுந்தொகையை நீ தருவாயாக எம்மின வரலாறு புரிந்திட இரு நானூறுகளை ஓதுவாயாக நல்வாழ்வு பெற்று புகழ் ஊன்றிட குறளினை கொடுப்பாயாக பக்தி நனிச் சொட்டி மயங்கி திரிந்திட இறையடிகளை எழுப்புவாயாக மொழியினை ஏந்தி நின்று செல்ல இளைய இலக்கணம் பதிப்பாயாக போரும் பொறாமையும் முடிவு பெற்றிட அறத்தினைக் கறந்திடு கேட்டன கொடுத்துச் செல் என்றுமழியா என் இளந்தமிழே.
மேலும் படிக்கவும்

தாய்த் தமிழே!

 தரணியும் தலைவணங்கும் தாய்த் தமிழே  தலைநிமிர்ந்து தழைத்தோங்கும் தனித்தமிழே செறுவிடை ஏந்தி நின்ற செழுந்தமிழே  செருக்குடன் மேலெழுந்த செந்தமிழே தீண்டத் தீண்டத் திகட்டாத தீந்தமிழே தீண்டல்கள் பெற்று வந்த தொல் தமிழே வஞ்சகம் உள்நுழையா வளந்தமிழே விருந்தினர் வியந்து போற்றிய மருந்தமிழே பல் சான்றோர் பாடித் தந்த பைந்தமிழே பல்லாண்டாய் படையலிடும் பழந்தமிழே நஞ்சினை விரட்டியடிக்கும் நறுந்தமிழே நன்றொரு சமூகம் தந்த நற்றமிழே பெதும்பைகள் பேணி வளர்த்த பூந்தமிழே  பெண்ணிற்கு மேன்மை தந்த பொன்தமிழே இளங்கவிகள் இணைந்து போற்றும் இளந்தமிழே இளங்கோவன் கையில் அமர்ந்த இன் தமிழே குறளெனும் குடை தந்த குறுந்தமிழே குவியலாய் குவிந்து கிடக்கும் முத்தமிழே கடலினுள் மூழ்கிக் கிடக்கும் குமரித் தமிழே காலத்தை வென்று நிற்கும் கன்னித்தமிழே உறவுகளை இழந்து தவிக்கும் ஈழத்தமிழே யாழிசை உணர்வளிக்கும் என் அருந்தமிழே!என் பெருந்தமிழே!
மேலும் படிக்கவும்

மின் வெட்டு

 அமைதியான தெருவில் அலறலை எழுப்பி அலரைப் பெற்றனர் பிஞ்சு நெஞ்சுகள் நட்சத்திரம் புவியிடம் நெருக்கமாக வந்து முத்தம் கேட்டு கெஞ்சி நிற்க பசுவின் பாலைத் திருட பூனைகள் வெட்சிப் பூவுடன் வீட்டினுள் நுழைய கரந்தைப் பூவைச் சூடி கட்டையுடன் வீட்டார் நிற்க தலைவனுக்காக காத்திருக்கும் இல்ல வாயில்கள் மெல்ல கண்ணீர் சிந்தும் புரியாத புரிதல்கள்  மகிழ்ச்சியில் துள்ளி குதிக்கும்  மின்மினிப் பூச்சிகள் என இப்படியா வந்து செல்கிறது மின்‌வெட்டு.
மேலும் படிக்கவும்